Indege y’intambara y’igisirikare cya Repubulika ya Demukarasi ya Congo (RDC) ya Sukhoi-25 yongeye kuvogera ikirere cy’u Rwanda ahaherera mu karere ka Rubavu.
Amakuru yizewe sukesha ikinyamakuru bwiza avuga ko iyi ndege yavogereye ikirere cy’u Rwanda ahagana saa tanu n’igice z’amanywa y’uyu wa 28 Ukuboza 2022.
Umwe mu baturage babonye iyi ndege yabwiye iki kinyamakuru ko ingabo z’u Rwanda zirwanira mu mazi (marines) zikorera mu kiyaga cya Kivu zagerageje kurasa kuri iyi ndege amasasu yo kuyiburira, isubira muri RDC.
Iyi ndege ni imwe mu zo igisirikare cya RDC kizwi nka FARDC kiri kwifashisha uyu munsi mu kugaba ibitero ku birindiro by’umutwe witwaje intwaro wa M23 biri hafi ya teritwari ya Masisi.
Ni ubwa kabiri indege ya Sukhoi-25 ya RDC ivogereye ikirere cy’i Rubavu, kuko na tariki ya 7 Ugushyingo 2022 byarabaye. Icyo gihe Leta y’u Rwanda yamaganye iki gikorwa yise ubushotoranyi.
About The Author
