Mu mikino y’igikombe cy’Isi ikomeje kubera muri Qatar, hakinwaga imikino ya 1/4 aho Maroc yakuyemo Portugal iyitsinze igitego 1-0 cyatsinzwe na Youssef En-Nesyri.
Ni umukino watangiye amakipe yombi asatirana bikomeye ariko ikipe Maroc ikagaragaza ubuhanga bwinshi mu guhererekanya umupira ari nako byaje kubahira bahita banabona igitego cy’umutwe mu gice cya mbere.
Igice cya kabiri cyatangiye ikipe ya Maroc ifite gahunda yo kurinda izamu igacungira kuri contre-attack aho Portugal yashakishije amahirwe yo gutsinda ariko abugarizi ba Maroc bayibera ibaamba.
Iminota yabaye 90 hongerwaho iminota 8 ariko biba iby’ubusa.
Kizigenza w’ikipe ya Portugal Christiano Ronaldo yabanje hanze y’ikibuga aho yaje kujyamo asimbuye ariko agerageza amahirwe make yabonye biba iby’ubusa.
Ikipe ya Maroc ibaye ikipe yo ku mugabane wa Afurika igeze mu mikino ya 1/2 mu mikino y’igikombe cy’Isi.
Biteganijwe ko Maroc izahura nirarokoka hagati ya France na England mu mukino uratangira saa tatu zijoro.
About The Author
