Umuvugizi w’Urwego rw’Igihugu rw’Ubugenzacyaha (RIB), Dr Murangira Thierry, yemeje ko umunyarwenya Kanyabugande Olivier uzwi nka Nyaxo, yatawe muri yombi akurikiranyweho icyaha cyo gukubita no gukomeretsa ku bushake.
Dr Murangira yemereye bwiza.com dukesha iyi nkuru ko Nyaxo yafashwe ku wa 18 Kanama 2022. Ati “Yego nibyo yarafashwe. Dosiye ye iri mu bushinjacyaha.”
Amakuru avuga ko Nyaxo yakubise umugabo w’imyaka 30 icupa n’inkoni yo mu mutwe biza kumukomeretsa ubwo bari muri resitora iherereye mu Karere ka Nyarugenge, Umurenge wa Nyamirambo, Akagari ka Rugarama, Umudugudu wa Rusisiro.
Kugeza ubu Nyaxo acumbikiwe kuri Sitasiyo ya RIB ya Nyamirambo mu gihe dosiye yamaze gushyikirizwa Ubushinjacyaha kuri uyu wa 22 Kanama 2022.
Ingingo ya 121 y’itegeko nimero 68/2018 ryo ku wa 30 Kanama 2018 ritaganya igifungo cy’imyaka itatu ariko kitarenze imyaka itanu n’ihazabu y’ibihumbi 500Frw ariko atarenze miliyoni 1Frw.
About The Author
