Nyuma yo kugaruka mu Rwanda ntahirwe kubera imvune, rutahizamu w’Amavubi Jacques Tuyisenge yerekeje muri AS Kigali.
Kapiteni w’ikipe y’igihugu Jacques Tuyisenge usanzwe ari rutahizamu w’ikipe y’igihugu Amavubi yamaze gusinyira ikipe ya AS Kigali amasezerano y’imyaka ibiri.
Nk’uko AS Kigali yabitangaje ibinyujije kuri Twitter yayo, yatangaje ko yamaze gusinyisha Jacques Tuyisenge wari kapiteni wa APR FC umwaka ushize .
Ni nyuma y’uko byabanje kuvugwa ko uyu mugabo yari yamaze kumvikana n’ikipe ya Police FC izatozwa na Mashami Eric mu mwaka utaha w’imikino.
Jacques Tuyisenge yinjiye muri APR FC mu 2020 avuye mu ikipe ya Petro Atletico de Luanda yo muri Angola yari yerekejemo mu 2019 ubwo yari avuye muri Gor Mahia yo muri Kenya.
Gusa imyaka ibiri yo muri APR FC ntiyamuhiriye, dore ko yanaranzwe n’imvune. Uyu musore rero yerekeje muri AS Kigali ngo azayifashe mu mikino nyafurika ya Confederation cup izitabira.
About The Author
