Umutetsi w’ishuri ryisumbuye ry’Inyemeramihigo, Mbarushimana Jean Claude, wari ufungiwe kuri sitasiyo y’ubugenzacyaha ya Gisenyi mu karere ka Rubavu kuva tariki ya 12 Nyakanga 2022 akekwaho icyaha cyo gupfobya jenoside yakorewe Abatutsi, yafunguwe.
Mbarushimana yatawe muri yombi mu cyumweru gishize, hamwe na Nyiraneza Espérance wari ushinzwe uburezi mu murenge wa Rugerero w’akarere ka Rubavu.
Nyiraneza yafunzwe azira kohereza Mbarushimana ngo ahagararire urwego rw’ubuyobozi bwa Leta mu gikorwa cyo kwibuka abazize jenoside kandi atarukoramo, uyu mutetsi we akaba yaraziraga kwemera kujya guhagararira uru rwego.
Amakuru dukesha ikinyamakuru bwiza avuga ko Mbarushimana yafunguwe nka saa saba z’amanywa yo kuri uyu wa 19 Nyakanga 2022.
Igikorwa cyo kwibuka cyatumye Nyiraneza na Mbarushimana batabwa muri yombi cyabereye ku rwunge rw’amashuri rwa Nkama tariki ya 6 Kamena 2022.
About The Author
