Urukundo rugeze aharyoshye hagati ya Niyomugabo Claude, myugariro wa APR FC na Umutoniwase Nadia witabiriye irushanwa rya Miss Rwanda mu 2020.
Ku mbuga nkoranyambaga, Umutoniwase ntakunze guhisha amarangamutima ye kuri Niyomugabo anaherutse kwerura ko ari we mukinnyi afana mu Rwanda, akaba umufana w’akadasohoka wa Edouard Mendy wa Chelsea.
Unyujije ijisho mu bantu Niyomugabo Claude akurikira kuri Instagram, uretse konti y’ikipe ye ya APR FC undi akurikira ni uyu mukobwa bamaze igihe bakundana. Niyomugabo Claude unaherutse guhamagarwa mu Ikipe y’Igihugu Amavubi, ni myugariro w’ikipe ya APR FC ukina aca ibumoso.
Umutoniwase we ni umukobwa uri kwiga itangazamakuru muri Kaminuza y’u Rwanda, akaba umwe mu batsindiye itike yo guhagararira Intara y’Amajyepfo mu irushanwa rya Miss Rwanda mu 2020.
Icyakora nubwo yari yabashije kwegukana itike yo guhagararira Intara y’Amajyepfo mu irushanwa rya Miss Rwanda ntabwo yabashije kugira ikamba yegukana muri uwo mwaka.
About The Author
