Selemani Masiya wari utuye mu gihugu cya Mozambique bivugwa ko wabarizwaga mu mitwe irwanya u Rwanda yasanzwe mu cyumba araramo yateraguwe ibyuma ku mutwe no ku ijosi, yapfuye.
Selemani yari atuye mu mujyi wa Nampula, uri mu Ntara ya Namupula. Selemani yishwe kuri uyu wa Kane tariki 7 Nyakanga 2022, nk’uko ibitangazamakuru byo muri Mozambique byabitangaje.
Umurambo wa Selemani wabonywe n’umuhungu we w’imyaka 15 ahagana mu ma saa tanu z’amanywa ubwo yari avuye ku ishuri agasanga umurambo wa se uryamye hasi mu cyumba araramo.
Bivugwa ko umurambo wa Selemeani wateraguwe ibyuma byinshi mu mutwe no ku ijosi. Uyu mugabo yahoze ari umukinnyi w’Umupira w’amaguru yageze muri Mozambique, nyuma yo gutorokera muri Afurika y’Epfo mu mwaka 2010 aho yari yagiye kureba imikino y’igikombe cy’Isi.
Bivugwa ko akigera muri Mozambique yakomeje gukina umupira w’amaguru mu ikipe y’Umujyi wa Nampula. Uru rupfu ruje rukurikira urwa S/Lt. Révocat Karemangingo wiciwe i Maputo mu mwaka 2021.
About The Author
