Murindahabi Irene usigaye wariyise Morodekayi yamaze gutangaza ko yasohoye indirimbo nshya y’abahanzi babiri asanzwe arebera inyungu zabo mu muziki ari bo Vestine na Dorcas.
Ni indirimbo yitwa “Arakiza” yasohotse kuri uyu wa mbere ndetse ikaba igaragara ku rubuga rwa YouTube rwa MIE dore ko Murindahabi Irene urebera inyungu zabo yari yamaze no kubitangaza ku mbuga nkoranyambaga ze. Kugeza ubwo twandikaga iyi nkuru iyi ndirimbo yari imaze kurebwa n’abantu barenga ibihumbi 29 ku rubuga rwa YouTube.
Ni indirimbo yasohokanye n’amashusho aho yanditswe na Niyo Bosco afatanyije na Irene, aho amajwi yayo yakozwe na Santana amashusho akayoborwa na Chriss Eazy unasanzwe ari umuhanzi nyarwanda uzwi mu ndirimbo zagiye zikundwa na benshi.
Vestine na Dorcas bakoze iyi ndirimbo nyuma yaho hari hashize igihe kinini bari ku ishuri aho biteganyijwe ko muri iki kiruhuko kigiye kuza bazafata amashusho y’izindi ndirimbo zizasohoka mu mezi ari imbere dore ko iyi ndorombo yafashwe amashusho bari mu biruhuko.
REBA IYO NDIRIMBO HANO
About The Author
