Kuri uyu wa gatandatu tariki 25 Kamena 2022 nibwo umuhanzi Harmonize yari yavuze ko ariwo munsi w’amateka mu buzima bwe, akaba yahise yambika impeta Kajala Masanja Fridah bari bamaze iminsi mike basubiranye nyuma y’igihe batandukanye.
Ni ibirori bari babanje guteguza abafana babo bavuga ko biritabirwa n’abo mu muryango wabo gusa no abafana be barabikurikira uko byagenze ku mbuga zitandukanye ariko yari yirinze kuvuga ibyicyo kirori yateguye ariko benshi bahamya ko ari ukwambika impeta umukunzi we Kajala.
Mu mashusho yasakaye kuri instagram akaba agaragaza uko byari byifashe ubwo Harmonize yasabaga uyu mukobwa ko yazamubera mama wabana be.
Harmonize yari yaratandukanye n’uyu mukobwa Kajala ariko nyuma aza kumugarukira amusaba imbabazi aho yashize icyapa gisaba imbabazi uyu mukobwa yishuraga akayabo k’amafaranga avuga ko azatuza ari uko amubabariye.
Sibyo gusa kandi uyu muhanzi ukunzwe n’abatari bake yanamuguriye imodoka ebyiri zihagarariye akayabo mu rwego rwo kumwereka ko akimukunda ko amusaba kongera kubana ndetse byarangiye Kajala amwemereye ndetse kuri ubu yanemeye kubana nawe.
About The Author
