Umuyobozi wungirije wa BNR, Hakuziyaremye Munyana Soraya agiye kurushinga na Murangwa Eugene wahoze ari umukinnyi w’ikipe ya Rayon Sports.
Urukundo rw’aba bombi ntirwigeze rumenyekana cyane ngo ruvugwe kugeze ubwo bashyize hanze integuza (save the date) y’ubukwe bwabo. Ubukwe bw’aba bombi buzaba ku itariki ya 14 Kanama 2022 nk’uko bigaragara kuri save the date.
Hakuziyamemye Munyana Soraya ni umucuruzi, umunyamwuga mu bijyanye n’imicungire y’imare akaba n’umunyapolitiki. Kuri ubu ni Visi Guverineri wa Banki Nkuru y’u Rwanda BNR, mbere yuko ajya kuri uyu mwanya yabanje kuba Minisitiri w’Ubucuruzi n’Inganda kuva mu Ukwakira 2018 kugeza muri Werurwe 2021 ubwo yagirwaga Visi Guverineri wa BNR.
Murangwa Eugene ugiye kurishinga na Soraya yabaye umuzamu wa Rayon Sports mu gihe cty’imyaka 11, kuva mu 1986 kugeza mu 1997 nyuma yaje kwerekeza i Burayi ari naho atuye kugeza ubu.
Muri 2018 Murangwa Eugene yahawe umudari w’icyubahiro n’umwamikazi w’Ubwongereza kubera ibikorwa byo gutezimbere sports.
About The Author
