Mu mikino isoza shampiyona yo mu gihugu cy’Ubwongereza yabaga kuri iki cyumweru ikipe ya Manchester City yatwaye igikombe ku munsi wa nyuma nyuma yo gutsinda ikipe ya Aston Villa mu gihe ikipe ya Riverpool na yo yatsinze umukino wayo na Wolves.
Ikipe ya Manchester city yayoboye igihe kirekire urutonde rwa shampiyona y’ubwongereza mu gihe Riverpool yari iyiri inyuma ku mwanya wa kabiri. Ikipe ya Man city yabanjwe ibitego 2 na Aston villa mu gihe Man city yaje kuva inyuma mu gice cya kabiri itsinda ibitego 3 mu minota 3.
Iki kibaye igikombe cya munani cya Man City aho bine muri byo iyi kipe yabitwaye itozwa na Pep Guardiola.
Ibitego bya Man City byabonetse guhera ku munota wa 76, 78, 81 harimo bibiri bya Ikay Gundogan waje asimbuye ndetse na kimwe cya Rodri.
Kuri uyu munsi wa nyuma ikipe ya Man city yasabwaga gutsinda umukino wa nyuma igatwara igikombe cya shampiyona kuko yari ifite amanota 90 mu gihe Riverpool ya kabiri yari ifite amanota 89. Man city yaje kubyitwaramo neza itwara igikombe ku manota 93 mu gihe Riverpool yari ifite amanota 92.
Ni imikino yabereye umunsi umwe ndetse no ku isaha imwe aho amakipe yose hamenyekanye amakipe azaseruka mu mikino ya UEFA Champions League, UEFA Europa League ndetse n’amakipe azamanuka mu kiciro cya kabiri.
Uko imikino y’umunsi wa nyuma yagenze:
Arsenal 5-1 Totenham, Brentford 1-2 Leeds United, Brighton and Holve Albion 3-1 Westham, Burnley 1-2 New Castle, Chelsea 2-1 Watford, Crystal palace 1-0 Man United, Leicester city 4- Southmpton, Liverpool 3- 1 Wolverhmton wanderers, Man City 3-2 Aston Villa, Norwich City 0-5 Totenham Hotspurs.
Amakipe azakina UEFA Champions League : Manchester City, Liverpool, Chelsea na Totenham.
Azakina Europa League: Arsenal, Manchester United na Westham izakina Europa conference League qualification.
Amakipe yamanutse mu kiciro cya kabiri: Burnley, Watford na Norwich City.
Abakinnyi babiri Heung Min Son wa Totenham na Muhammed Salah wa Riverpool nibo batsinze ibitego byinshi aho bombi batsinze ibitego 21.