Mu mukino wa shampiyona w’umunsi wa 27, ikipe ya Kiyovu Sports yatsinze ikipe y’ingabo z’Igihugu ya APR FC ku bitego 2-1 iyi kipe ya APR FC ikomeza kuyobora urutonde rwa shampiyona.
Ni umukino wari mu mikino ikomeye wagombaga kwerekana ufite gahunda ihamye yo gutwara igikombe cya shampiyona aho ikipe ya APR FC yarushaga Kiyovu amanota atatu bivuze ko ikipe ya APR yari ifite amanota 60 naho Kiyovu ifite amanota 57.
Ibitego bibiri byose bya Kiyovu Sports byabonetse mu gice cya mbere bitsinzwe na Bigirimana Abedy na Emmanuel Okwi mu gihe kimwe cy’impozamarira cya APR FC cyabonetse mu gice cya kabiri gitsinzwe na Ombolenga Fitina ari na ko umukino waje kurangira.
Uyu mukino wasize aya makipe yombi anganya amanota aho yose afite 60 ariko ikipe ya APR FC ikaba izigamye ibitego 23 mu gihe Kiyovu Sports izigamye 22.
Mu yindi mikino yabaye ikipea ya Marines yatsinze Entincelles ibitego 4-1, Gorilla itsinda Bugesera ibitego 4-1, naho Etoiles de l’Est yatsinze Espoir ibitego 3-1.
About The Author
