Mu mikino y’umunsi wa 26 muri shampiyona y’umupira w’amaguru mu Rwanda (Rwanda Primus League) kuri uyu wa gatandatu yasize ikipe ya APR FC yujuje amanota 60.
Mu mukino iyi kipe y’Ingabo z’Igihugu yakiniye mu karere ka Rusizi aho yari yakiriwe na Espoir FC umukino ukarangira ari ibitego bitatu bya APR FC kuri bibiri by’ikipe ya Espoir Fc.
Ibitego bya APR FC byatsinzwe na Nizeyimana Djuma mu gice cya mbere ku munota wa 12, ndetse na Nshuti Innocent watsinze ibitego bibiri ku munota wa 51 no ku wa 79 ni mu gihe bibiri bya Epoir byatsinzwe na Mbonyumwami Taibu ku minota ya 40 no ku wa 92 umukino urangira APR FC yegukanye amanota atatu yo kuri uyu munsi.
Mu yindi mikino yabaye Ikipe ya Gicumbi FC igiye kumanuka mu cyiciro cya kabiri yahagamye Rayon Sports naho ikipe ya Entincelles y’i Rubavu itsinda Musanze FC igitego kimwe ku busa, Mukura VS yanganyije na AS Kigali ibitego bibiri naho Gorilla yanganyije ubusa ku busa na Rutsiro FC.
Uyu munsi usize ikipe ya APR FC iyoboye urutonde ku manota 60 ikurikiwe na Kiyovu Sports n’amanota 56 ikaba itari ykina umukino w’umunsi wa 26.
About The Author
