Umunyamakuru wari umaze gukundwa na benshi ku Isibo TV Murindahabi Irene yasezeye abakunzi be bamukurikiranaga kuri iyi tereviziyo ubwo yari mu kiganiro “The Choice” benshi bamumenyereyeho yakoranaga na Phil Peter cyabaye kuri iki cyumweru tariki ya mbere Gicurasi 2022.
Abinyujije ku rukuta rwe rwa instagram yasezye abakunzi be bo kw’Isibo Tv ndetse anabasa ubufasha bwo gukomeza kumushyigira agira ati “Mwiriwe!! Ni M Irene mbashimiye ko mwabanye na Njye iki Gihe cyose mu mwuga w’Itangazamakuru no Mu guteza imbere Impano zitandukanye. nabasabaga no gukomezanya mu Rugendo rushya ntangiye Uyu munsi . Nshimiye mwe mukunda ibyo dukora, Ibitangazamakuru nanyuzemo @magicfmrwanda @isangostarofficial [@sundaynightshow] @isibotvofficial @thechoice_live . Ibyo Nakoraga nibindi byiyongereyemo byose ubu mbikomereje Kuri Platform ya @mie_empire.rw Be Blessed”
Uyu musore uzwiho cyane gufasha abahanzi yavuze ko impamvu yasezeye mu gukomeza gukora kuri ino televiziyo ngo nuko agiye gukomeza kw’ikorera ku giti cye agakora ibintu bye. kandi yanakomeje avuga ko ngo ntabwo ikiganiro The Choice live n’Isibo Tv muri rusange arabyibagirwa, ahubwo ngo azajya yinyabya rimwe na rimwe ku cyumweru abasure.
Irene Murindahabi na Phil peter bari bamaze kwigarurira abatari bake mukiganiro The Choice Live, ubu ntabwo bakiri gukorana kuko hasigayeho Phil Peter gusa hakaba hategerejwe undi munyamakuru mushya ushobora kuza gusimbura M. Irene.
Murindahabi Irene yaramaze imyaka isaga itatu akora ku Isibo Tv, kandi anafasha abahanzi batandukanye harimo uwitwa Niyo Bosco mwakunze cyane mu ndirimbo nka ubigenzute, seka hamwe n’izindi, akanafasha itsinda rya Vestine na Dorcas bazwi mu ndirimbo zihimbaza imana nka Adonai, Sibayali hamwe n’izindi, aba bo ntabwo yabaretse aracyari kumwe nabo, bikekwako aribyo ashobora kugumamo gusa.
About The Author
