Ku wa gatandatu tariki 30 Mata abakinnyi b’ikipe yo mu gihugu cy’Ubufaransa ya Paris Saint Germain Sergio Ramos, Keylor Navas na Julian Dlaxer ni bwo basesekaye mu Rwanda mu gikorwa cyo gusura ibice nyaburanga bitatse iki gihugu.
Aba bakinnyi b’ibirangirire kuri iki cyumweru tariki ya mbere Gicurasi 2022, bagaragaye basuye parike y’Igihugu y’Akagera iherereye mu ntara y’Iburasirazuba aho bagaragaye bishimye bareba zimwe mu nyamanswa n’ibiyaga bitatse iyi parike ikurura ba mukerarugendo benshi ku isi.
Aba bakinnyi baje gusura u Rwanda binyuze mu bufatanye ikipe ya PSG ifitanye n’ikigo cy’Igihugu gishinzwe iterambere RDB bwo kwamamaza Visit Rwanda.
Biteganyijwe ko kandi aba bakinnyi bazasura parike zitandukanye ziri mu gihugu ndetse kuri uyu wa mbere bazahura na bamwe mu bafana babo hano mu Rwanda ndetse banakorane ikiganiro n’Itangazamakuru.
About The Author
