Mu karere ka Nyanza mu kigo cy’ishuri giherereye mu murenge wa Muyira haravugwa inkuru y’umwana w’umukobwa wiga mu mashuri abanza wabyaye umwana akamuta mu musarani.
Ku wa 26 Ukwakira 2021 muri rimwe mu mashuri yisumbuye riherereye mu Murenge wa Muyira, ku makuru yatanzwe n’ubuyobozi bw’ishuri ni uko umwana w’imyaka 13 y’amavuko bikekwa ko yabyaye umwana akamujugunya mu musarani.
Aya makuru yemejwe n’Umunyamabanga Nshingwabikorwa w’Umurenge wa Muyira Muhoza Alphonse wabibwiye UMUSEKE.
Ati “RIB iri gukora iperereza ku munyeshuri waje kwiga mu mwaka wa mbere abyarira umwana mu musarani atabizi, gusa inzego z’ubuyobozi zamukuyemo yapfuye.”
Muhoza akomeza vuga ko mu makuru bamenye ngo ni uko iyo nda y’uwo mwana yari ifite amezi arindwi aboneraho no gusaba abana kwirinda ubusambanyi kugeza bashinze ingo zabo kuko bibangiriza ubuzima bwabo bwose.
Uwo mwana wabyaye ubu ari kwitabwaho mu bitaro bikuru bya Nyanza aho bivugwa ko yaje kwiga muri kano karere avuye mu mujyi wa Kigali aho bivugwa ko uwamuteye iyo nda ari umugabo w’imyaka 33 y’amavuko bari baturanye.
About The Author
