Umukobwa wa Perezida Kagame, Ange Kagame yagaragaje ko yishimiye uwashushanyije Perezida Kagame ateruye umwuzukuru we ndetse avuga ko bzavugana.
Hari ku mugoroba w’ejo ubwo hasozwaga icyiciro cya mbere cya Art Rwanda – Ubuhanzi, nibwo hagaragajwe iki gishushanyo cyakozwe n’umwe mu banyeshuri basoje amasomo yabo.
Ni ifoto ya Perezida Kagame ateruye umwuzukuru we (umwana wa Ange Kagame), ikaba yarashushanyijwe neza ku buryo utapfa kuyitandukanya n’ifoto nyirizina.
Uwitwa Shema yifashishije urukuta rwe rwa Twitter, yashyizeho ifoto yafotowe ndetse n’ishushanyijwe, iherekezwa n’amagambo agira ati “muyisakaze igere aho igomba kugera.”
Ange Kagame akibona iyi post na we yayisangije abamukurikira (retweet) maze iherekeza n’amagambo agira ati “Biratangaje! Tuzavugana.”
Aya magambo ye yasembuye ibitekerezo bya benshi aho benshi bavuze kuri ubu butumwa bwe bamushimiye uburyo na we atahishe amarangamutima ye kuri iyi foto ndetse akemera kuzahura n’uwashushanyije iyi foto.
About The Author
