I Rosario mu gihugu cya Argentine umukino wahuje ejo ku Cyumweru Rosario Central na Newell’s Old Boys, warakerewe kubera grenade zabanje guterwa mu kibuga.
Amashusho yashyizwe ku rukuta rwa Twitter rw’ikipe ya Newell’s agaragaza grenades ziterwa mu kibuga kuri stade ya Estadio Gigante de Arroyito, isanzwe yakirirwaho na Rosario Central’s.
Daily Mail yanditse ko guterwa kw’izi grenade mu kibuga ndetse no guturika kwazo, byatumye umukino umusifusi atinda kuwutangiza nyuma yo kugirwa inama n’uwari akuriye umutekano kuri kino kibuga.
Kugeza ubu ntibiramenyekana ku buryo bwizewe niba abafana bari kuri stade ari bo nyirabayazana w’iki gikorwa. Cyakora nyuma y’igihe kirekire uyu mukino wasubitswe, waje gusubukurwa maze meNewll’s Old Boys yari yasuye itsinda Rosario Central igitego 1-0 cya Juan Manuel Garcia.
Iyi kipe izwiho kuba Lionel Messi na Diego Maradona barayitangiriyemo gukina umupira w’amaguru mbere y’uko bahinduka ibihangange.
About The Author
