Burya ngo nta kavugirwa ubusa! Umunyarwanda wabivuze ntabwo yibeshye nyuma y’amagambo ndetse n’impaka nyinshi mu banyarwanda hibazwa ku bwiza bw’umukobwa uturuka mu karere ka Rubavu Nshuti Divine Muheto.
Byatangiye umwe mu bari bagize akanama nkemurampaka Miss Mutesi Jolly amarangamutima amuganza amwibagiza ko ari umwe mu bagize akanama nkemurampaka amubaza niba na we abona ubwiza afite, ibintu byatumye benshi bacika ururondogoro.
Mu birori byatangiye kuri uyu mugoroba wo kuri uyu wagatandatu tariki ya 19 Werurwe 2022 bigasozwa tarii ya 20 Werurwe 2022, byarangiye umukobwa witwa Nshuti Divine Muheto ari we wambitswe ikamba rya Nyampinga 2022 ibintu bitatunguye abantu benshi kubera ubwiza n’uburanga by’uyu mukobwa.
Muheto yarangije amashuri yisumbuye akaba afite imyaka 19 y’amavuko, umushinga we ni ugutoza umuco wo kuzigama mu rubyiruko byumwihariko abagore binyuze mu cyo yise “igiceri program”.
About The Author
