Muka se wa Akeza Rutiyomba Elsie, umwana w’imyaka itanu y’amavuko wasanzwe yapfiriye kigega cy’amazi mu Kagari ka Busanza, Umurenge wa Kanombe mu Karere ka Kicukiro muri Mutarama 2022, yamenyesheje Urukiko Rwisumbuye rwa Nyarugenge ko atari kugira uruhare mu rupfu rwe kandi yaramukundaga.
Uyu mubyeyi witwa Mukanzabarushimana Marie Chantal yabivuze kuri uyu wa 18 Werurwe 2022 ubwo yajuririraga umwanzuro w’urukiko rw’ibanze rwa Kicukiro w’uko afungwa iminsi 30 y’agateganyo, rwafashe muri Gashyantare.
Mukanzabarushimana yavuze ko Akeza ari umwana babanaga, kandi yifuzaga kwitaho, ndetse ngo yanababajwe n’urupfu rwe. Ibi bisobanuro yabitanze nk’impamvu urukiko rwa Nyarugenge rwashingiraho rutesha agaciro icyemezo ry’urukiko rw’ibanze, rukamufungura by’agateganyo, akaburana ari hanze.
Ariko Ubushinjacyaha, bwo bwasabye urukiko ko rugumishaho uyu mwanzuro wo kuba afunzwe by’agateganyo, busobanura ko abaye afunguwe yakwivanga mu iperereza rigikorwa kuri iki cyaha.
Nk’uko New Times yabitangaje, umwanzuro w’urukiko utegerejwe tariki ya 21 Werurwe 2022.
About The Author
