Abagabo batatu bafatanywe na nyakwigendera Kizito Mihigo ubwo yashakaga gutoroka igihugu ajya mu Burundi anyuze mu karere ka Nyaruguru kuri uyu munsi bagejejwe imbere y’ubutabera banakatirwa ibihano bitandukanye umwe agirwa umwere arataha.
Innocent Harerimana umushoferi wabatwaye, Joel Ngayabahiga na Jean Bosco Ndikumana wari umukozi wa Kizito Mihigo uyu munsi bakatiwe n’urukiko rwisumbuye rwa Nyarugenge umushoferi wabatwaye agirwa umwere.
Uyu wari umukozi wa Kizito Mihigo yakatiwe n’urukiko igifungo cy’imyaka itanu, uwagombaga kubereka inzira akatirwa amezi atatu naho umu shoferi wagombaga kubatwara agirwa umwere. Ni mu gihe ubushinjacyaha bwari bwarabasabiye gufungwa imyaka 7 n’igice, nihazabu ya miliyoni 2 n’igice naho undi asabirwa gufungwa amezi atandatu na n’ihazabu ya miliyoni imwe.
About The Author
