Amatike yo kwinjira mu myanya ya ‘VVIP’ mu birori byo gutora Miss Rwanda biteganyijwe ku wa 19 Werurwe 2022, yamaze gushira ku isoko nk’uko ubuyobozi bw’iri rushanwa bwabitangaje.
Ibirori byo gutanga ikamba rya Miss Rwanda bizabera ku Intare Arena ku wa 19 Werurwe 2022, ni ibihumbi 30 Frw mu myanya ya VVIP, ibihumbi 20 Frw mu myanya ya VIP n’ibihumbi 10 Frw mu myanya isigaye.
Icyakora abazagura amatike ku munsi w’ibirori bakayagurira ku muryango bo azaba yazamutse, iza VVIP zamaze gushira ku isoko zari kuzaba zigura ibihumbi 50 Frw, mu gihe iza VIP zo zizaba zigura ibihumbi 30 Frw naho ahasigaye hose bikaba ibihumbi 20 Frw.
Kugeza ubu abakobwa 19 bari guhatanira ikamba rya Miss Rwanda mu 2022 bakomeje umwiherero uzarangira ku wa 19 Werurwe 2022, umunsi hazahita hamenyekana umukobwa uzegukana ikamba.
Aba bakobwa uko ari 19 bazatoranywamo 10 bazabasha kujya mu cyiciro cya nyuma kizatorerwamo Miss Rwanda.
About The Author
