Mukayizere Djalia Nelly uzwi nka Kecapu muri filime y’uruhererekane ya Bamenya yagaragaje ko ari mu rukundo n’umusore witwa Jean Luc bamaranye imyaka irenga 11 bakundana.
Ku mbuga nkoranyambaga za Kecapu ntabwo ahwema kugaragaza amafoto y’ibihe byiza agirana na Jean luc basohokanye bari gusangira ndetse ntarye iminwa ku kuvuga ko bakundana akaramata.
Iby’urukundo rwe n’uyu musore, Kecapu yabigarutseho mu kiganiro kigufi yagiranye na IGIHE.
Kecapu yagize yagize ati “Ni umusore twamenyanye mu 2009, mu 2010 twari dutangiye gukundana ariko urumva twari tukiri abana. Byagiye bitugora tukaburana ubundi tugahura ariko uyu munsi niwe turi gukundana kandi rwose sinabahisha ko tumeranye neza.”
Kecapu yahishuye ko bikomeje kugenda neza Imana ikaba ku ruhande rwabo mu minsi iri imbere batanga ibirori cyane ko bakarushinga.
Yongeyeho ko yahisemo uyu musore kuko ari we baziranye cyane. Ati “Ni we musore unzi neza kuva nkiri umwana, urukundo rwacu si urwo kwinginga kuko ni umuntu tuziranye cyane.”
Ubusanzwe Kecapu ni umukinnyi wa filime wabigize umwuga ugezweho mu yitwa ‘Bamenya’ itambuka kuri YouTube.
About The Author
