Umunyarwandakazi Umuringa Carole uzwi nka Duran Carole yibereye i Dubai hamwe na Ice Prince wamamaye mu muziki wa Nigeria cyane cyane mu njyana ya Hip Hop nk’uko kandi bigaragara bakaba aba bombi baraguye mu Nyanja y’urukundo niba nta kindi kibyihishe inyuma.
Mu masaha macye ashize ni bwo Duran Carole yashyize hanze amafoto amugaragaza ari kumwe na Ice Prince yongeraho ubutumwa bugira buti:”Ni abantu beza baremye aheza.” Hano yivugaga we nuwo bigaragara ko bari mu munyenga w’urukundo Ice Prince.
Duran Carole ari mu bakobwa bakoresha imbuga nkoranyambaga cyane. Ni umwe kandi mu banyamideli bamaze kubaka izina aho agenda anakorana na kompanyi zitandukanye zicuruza imodoka n’ibibanza mu kubimenyekanisha.
Mu mezi ya nyuma y’umwaka wa 2021 yabaye umwe mu bakobwa 8 batoranijwe muri Africa kugaragara mu mukino wa Wife Material umaze kuba ikimenyabose w’umunyarwenya Eric Omondi, ibintu icyo gihe yagaragaje nk’intambwe ikomeye mu gukomeza kubaka izina rye.
About The Author
