Polisi y’u Rwanda yamaze gutangaza ko umuhanda wa Kigali-Rulindo-Musanze usanzwe ukoreshwa ko utakiri nyabagendwa kubera imvura nyinshi yaguye ikaba yateye ari yo inkangu yafunze uyu muhanda.
Mu itangazo Polisi y’u Rwanda yashize ku rukuta rwayo rwa Twitter rivuga ko uyu muhanda wafunzwe n’inkangu yatewe n’imvura nyinshi yaguye bityo ko abakoresha uwo muhanda baraba bifashisha umuhanda wa Kigali- Gicumbi- Base- Musanze cyangwa Muhanga-Ngororero-Mukamira.
Yagize iti: “Turabamenyesha ko kubera imvura nyinshi, inkangu yafunze umuhanda Kigali- Rulindo- Musanze, ubu ukaba utari nyabagendwa. Mugirwa inama yogukoresha umuhanda Kigali- Gicumbi- Base- Musanze cyangwa Muhanga-Ngororero-Mukamira.“
Yongeyeho ko muri uyu muhanda hari Aba Polisi barimo ngo bafashe abawukoresha.
Muri iki gihe cy’imvura nyinshi iri kugwa imwe mu mihanda imwe n’imwe iri kugenda yangirika bityo abayikoresha bakaba bakoresha indi itari isanzwe ikoreshwa.
About The Author
