Tariki 14 Mutarama 2022 ubwo abantu benshi bizihizaga umunsi w’abakundana, umuhanzi w’icyamamare mu muziki nyarwanda, The Ben uri mu rukundo na Miss Pamella, yageneye impano Nyirabukwe(Nyina ubyara Pamella).
Ubwo iyi tariki yageraga abantu benshi ku mbuga nkoranyambaga bakomezaga kwibaza impamvu The Ben na Miss Pamella batifurizanya umunsi w’abakundana ndetse ngo The Ben agire ubutumwa agenera umukunzi we aherutse kwambika impeta.
Mu gukomeza kwibaza ibyo byose, umunsi warinze ushira nta butumwa uyu muhanzi ageneye umukunzi we ndetse nta n’ifoto ye asangije abantu kuri uyu munsi udasanzwe ku bakundana, uba ari umunsi w’ibyishimo bisendereye.
Kera kabaye kwihangana byaramunaniye, Uwicyeza Pamella abinyujije kuri konti ye ya Instagram ahashyirwa ubutumwa bumara umunsi umwe, yerekanye ibyishimo aterwa n’umuryango we, maze yerekana ko anyuzwe n’umukunzi we The Ben wabageneye impano ku munsi wahariwe abakundana.
Mu mafoto n’amashusho Miss Pamella yerekanye umubyeyi we (Mama we) ari mu byishimo byinshi afite impano yagenewe n’umukwe we The Ben. Yerekanye ibindi bihe byiza yagiranye n’umuryango we bari gusangira bishimiye cyane Pamella witegura kurushinga na The Ben. Muri ayo mashusho Miss Pamella yongeye kwerekana indabo n’impano The Ben yamugeneye ku munsi w’abakundana maze yongeraho ubutumwa bwuzuye amarira y’ibyishimo amubwira ko amukumbuye.
About The Author
