Mu gihe irushanwa rya Miss Rwanda 2022 rikomeje hashakwa abakobwa bazahagararira intara z’itandukanye aho abakobwa bagera kuri 18 ari bo bamaze kumenyekana mu ntara ebyiri amajyaruguru n’uburengerazuba.
Ku yumweru tariki 31 Muatarama 2022 ni bwo bakomereje mu karere ka Rubavu aho abagize akanama nkemurampaka bahisemo abakobwa icyenda bazahagararira intara y’uburengerazuba gusa havuzwe inkuru y’umukobwa witwa Nshuti Muheto Divine kubera uburyo umwe mu bari bagize akanama nkemurampaka Miss Mutesi Jolly yatangarije uyu mukobwa ko ari mwiza ndetse anamubaza niba na we abizi amusubiza ko ntabyo yari azi.
Uyu mukobwa Nshuti Muheto Divine yaje kuza mu batoranijwe asabwa kunoza umushinga we kuva ubwo ku mbuga nkoranyambaga benshi batangiye kumuha iri kamba bavuga ko ari mwiza birenze.
Na we ntiyatinze kuhagera kuko konti ye ya twitter yari yarayifunguye mu kwezi ku Kuboza 2021 ariko ntacyo ayishiraho. Nyuma yo kubwirwa ko ari mwiza no kumenyekana cyane mu gihe gito nawe yahise atangira gukoresha urubuga rwa twitter ndetse atangira kuganira n’abakunzi be aho afite aba followers barenga 500.
Uyu mukobwa yashize ifoto ye ari mu irushanwa rya Miss Rwanda arangije ayiherekesha amagambo agira ati: “Ese urabona ikamba rya Miss Rwanda 2022 ndikwiriye?”
Bamwe bamusubije bamubwira nabi abandi bamutera akanyabugabo aho hari uwamusubije amubwira ati: “Niba so ari General ubyizere ariko niba bitari uko kwaheli”
Uwiyise Igihwitihwiti yagize ati: “Ubwo se bariguhaye wajya kuduhagararira hanze bakaguha guteka inkoko ntiwayitekana amababa ra”
About The Author
