Mu mukino w’ikirarane wari wahuje ikipe ya APR na Mukura ukaza kuba igice cya mbere nyuma ugasubikwa utarangiye ku wa mbere tariki 31 Mutarama 2022 kubera imvura ukaza gusubukurwa tariki ya 1 Gashyantare 2022.
Ni umukino wasubitswe ikipe ya Mukura Vs ifite igitego kimwe cyatsinzwe ku munota wa 30 na Nyarugabo Moise mu gihe igice cya mbere kirangiye hakagwa imvura nyinshi yatumye igice cya kabiri kidakomeza umukino urasubikwa usubukurwa kuri uyu wa kabiri bakina iminota yari isigaye.
Ni umukino watangiye saa cyenda ikipe ya Mukura ikomereza ku gitego cyayo ari na ko byaje kurangira ikipe ya Mukura ifite kimwe ku busa bwa APR yari imaze imikino 50 idatsindirwa ku butaka bw’u Rwanda ndetse benshi bibazaga uzayitsinda bikayoberana.
Ni umukino wongeweho iminota irindwi y’inyongera aho habonetsemo n’ikarita y’umutuku yahawe rutahizamu Dgibril Mukura ikina ari abakinnyi icumi ariko biranga biba iby’ubusa.
Ikipe ya APR yari iherutse gutsindwa tariki ya 26 Gicurasi 2019 itsindwa n’ikipe ya Espoir yo mu karere ka Rusizi iyitsindiye kuri sitade ya Kigali i Nyamirambo.
About The Author
