Mu mikino ya shampiyona y’ikiciro cya mbere mu Rwanda ku munsi wa 14 yakomeje muri iyi week-end ikipe ya Rayon sports ntabwo yaje guhirwa n’uyu munsi kuko yaje gutsindwa n’ikipe yo mu karere ka Rubavu Marine FC, umukino wari wabereye kuri Sitade ya Kigali i Nyamirambo.
Ni umukino wagaragaje ikipe ya Rayon Sports ko yari iciriritse kubera uburyo iyi kipe yarushijwe bikomeye na Marines ndetse ikaza gutsindwa ibitego 3-0.
Uyu mukino wari uteganijwe gutangira ku isaha ya saa sita ariko siko byaje kugenda kuko uyu mukino waje gutandinga ukereweho kuko watangiye saa saba aho hari habaye ikibazo cy’uko kuri sitade hari umukino w’Abari n’Abategarugori wari uri kuhabera ariko watinze gutangira kubera ibisubizo by’ibizamini bya covid.
Igitego cya mbere cya Marine Fc cyatsinzwe ku munota wa 22 w’igice cya mbere gitsinzwe na Nahimana Amimu, Ibitego byakurikiyeho byatsinzwe mu gice cya Kabiri bitsinzwe na Ishimwe Fiston ku munota wa 68 no ku wa 69 ari na ko uyu mukino waje kurangira ari ibitego 3 bya Marine ku busa bwa Rayon Sports.
Nyuma yo gutsindwa uyu mukino ikipe ya Rayon Sports ikomeje kuba ku mwanya wa gatanu n’amanota 23 inganya na Police FC, ariko zombi zirushwa inota rimwe na AS Kigali.
Marines FC itsinze Rayon Sports ibitego 3-0 mu mukino w’umunsi wa 14 ihita ifata umwanya wa karindwi n’amanota 18.
About The Author
