Ku wa Gatanu, tariki ya 22 Ugushyingo 2025, umusifuzi w’Umuhanga Mukansanga Salima Rhadia yakoze amateka yo kugaragara mu gikorwa gikomeye cyo gutombora amatsinda y’Igikombe cya Afurika cy’Abagore cya 2024 (WAFCON).
Tombola yabereye ahitwa Mohammed VI Technical Centre i Salé, mu gihugu cya Morocco aho Mukansanga yari kumwe na Andile Dlamini, umuzamu wafashije Afurika y’Epfo gutwara iki gikombe giheruka mu 2022, na Fatiha Laassiri, wakiniye Maroc.
Iyi tombola yasize amatsinda akomeye agaragaye: Maroc izakira yisanze mu Itsinda A hamwe na Zambia, Sénégal, na DR Congo, mu gihe Afurika y’Epfo ifite igikombe giheruka izahangana na Ghana, Mali, na Tanzania mu Itsinda C.
Mukansanga, wahoze asifura mu kibuga hagati mbere yo kwerekeza kuri VAR, yakomeje kugaragaza ko ari intangarugero muri ruhago nyafurika, ahesha ishema u Rwanda n’umugabane muri rusange.
Ikipe zizahatanira iki gikombe zizashakamo izihagararira Afurika mu Gikombe cy’Isi cy’Abagore cya 2027. Maroc izifashisha sitade zirimo Prince Moulay Abdellah Stadium i Rabat na Stade de Marrakech muri iri rushanwa. Iki gikombe kitezweho guteza imbere siporo y’abagore muri Afurika, kikaba ikiraro cyo kuzamura impano nshya.
About The Author
