APR FC ishobora guterwa mpaga nyuma yo gukinisha abakinnyi b’abanyamahanga benshi ku mukino wa Gorilla FC, aho yashyizemo barindwi mu kibuga kandi amategeko avuga ko batagomba kurenga batandatu.
Ibi byabaye mu gice cya kabiri cy’umukino w’Umunsi wa Munani wabereye kuri Kigali Pelé Stadium kuri iki Cyumweru, ubwo APR FC yakoraga impinduka, Richmond Lamptey ukomoka muri Ghana na Tuyisenge Arsène basimburwa na Nwobodo Chidiebere wo muri Nigeria na Mamadou Sy wo muri Mauritania.
Aba banyamahanga babiri binjiye basanga mu kibuga abandi banyamahanga batanu ari bo Pavelh Ndzila, Aliou Souane, Taddeo Lwanga, Lamine Bah na Victor Mbaoma.
Nyuma y’iminota irindwi bigaragaye ko hirengagijwe amategeko y’abanyamahanga batandatu mu kibuga, APR FC yakuyemo Lamine Bah wo muri Mali, asimburwa na Kwitonda Alain ’Bacca’, abanyamahanga bongera gusigara ari batandatu.
About The Author
