Impuzamashyirahamwe ya Ruhago muri Afurika (CAF) yasoje tombola y’amakipe yabonye itike zo gukina mu matsinda ya CAF Champions League ndetse n’aya CAF Confederation Cup.
Ni tombola zabaye kuri uyu wa Mbere, tariki ya 7 Ukwakira 2024, nyuma yo gusoza imikino y’amajonjora yasize amakipe 16 ariyo abonye itike zo kuzahanganira kurenga amatsinda ane.
Itsinda rya mbere (A) ririmo Young Africans SC yo muri Tanzania, Al Hilal SC yo muri Sudan, MC Alger yo muri Algeria ndetse na TP Mazembe yo muri Repubulika Iharanira Demokarasi ya Congo.
Mamelodi Sundowns yo muri Afurika y’Epfo yisanze mu Itsinda B, aho iri kumwe na Raja Casablanca na AS FAR zo muri Maroc na AS Maniema Union yo muri DR Congo igiye gukina mu matsinda bwa mbere.
Itsinda C rigizwe na Al Ahly iheruka kwegukana ibi bikombe inshuro enye muri eshanu ziheru, hakabamo CR Belouizdad yo muri Algeria, Orlando Pirates yo muri Afurika y’Epfo yongeye kugera muri iki cyiciro nyuma y’imyaka itanu ndetse na Stade d’Abidjan.
Irindi tsinda ni irya kane (D), ririmo Djoliba AC De Bamako yo muri Mali, GD Sagrada Esperanca yo muri Angola, Pyramids FC yo mu Misiri na Espérance Sportive de Tunis yo muri Tunisia.
About The Author
