Umuhanzi Nyarwanda Alto ari mu rukundo na Asinah Erra wigeze gukundana na Riderman mu myaka itandatu ishize nyuma yuko Alto ashyize amashusho kuri Instagram arimo gukina agakino k’urukundo na Asinah ndetse amubwira ko amukunda.
Aya makuru kandi Alto yayahamirije ikinyamakuru Hose cyamubazaga iby’umubano we na Assina maze nawe ntiyazuyaza avuga ko uyu mukobwa bakundana ndetse ko bamaze amezi abiri bari mu munyenga w’urukundo nkuko bigaragara mu mashusho.
Alto avuga ko ikintu kimwe yakundiye Asinah Erra ari uko ari “umugore mwiza wo gukunda.”
Hagati y’imyaka ya Asinah na Alto harimo ikinyuranyo kinini cyane gusa, uyu musore we avuga ko kuba urushwa imyaka n’umukunzi we ntacyo bivuze. Kuva Alto yatangira kumenyekana mu muziki nibwo bwa mbere atangaje umukobwa wamutwaye umutima.
Asinah kuva yatandukana na Riderman yatangaje umukunzi we umwe w’umunyamahanga gusa ibyabo uko byarangiye ntibyamenyekanye. Yigeze gukundana kandi na Sarpong wakiniraga Rayon Sports nabwo ibyabo nta wamenye uko byarangiye nyuma yaho Sarpong agiye gukinira hanze y’u Rwanda.
Alto wahiriwe n’umwaka wa 2021 mu muziki, yakoze indirimbo zakunzwe cyane zirimo Wankomye yakoranye na Uncle Austin na Byambera.
About The Author
