Mu murenge wa Ruharambuga mu karere ka Nyamasheke habereye impanuka ikomeye y’imodoka itwara abanyeshuri biga ku ishuri ryigenga rya St Mathews ishami rya Ntendezi babiri bahita bitaba Imana abandi barakomereka.
Iyi mpanuka yabereye mu Mudugudu wa Kamabuye, Akagari ka Ntendezi, Umurenge wa Ruharambuga ku wa 19 Nzeli 2024.
Kuri uyu wa Gatandatu, Umuyobozi w’Ikigo cy’Igihugu gishinzwe Uburezi bw’Ibanze, REB, Dr. Nelson Mbarushimana n’Umuyobozi w’Akarere ka Nyamasheke, Mupenzi Narcisse, bifatanyije n’imiryango ya Iranzi Liliane w’imyaka icyenda na Abizera Hirwa Ghislaine w’imyaka itandatu, baburiye ubuzima mu mpanuka y’imodoka itwara abanyeshuri, mu gikorwa cyo kubasezeraho bwa nyuma no kubashyingura.
Mu bagera kuri 31 bakomerekeye muri iyi mpanuka, 16 bamaze gusezererwa mu bitaro, ndetse amakuru avuga ko mu basigaye mu bitaro nta mwana urembye cyane.
Andi makuru ahari ni uko Umuyobozi w’Ishuri rya St. Mathews-Ntendezi, Ndagijimana Augustin, ari mu maboko y’inzego z’umutekano ku mpamvu z’iperereza ku cyateye impanuka.
Inkuru bifitanye isano: Nyamasheke: Impanuka y’imodoka itwara abanyeshuri yahitanye babiri abandi bajyanwa kwa muganga
About The Author
