Urwego rw’Igihugu rushinzwe ubugenzacyaha RIB rwahamagaje myugariro w’ikipe ya Gasogi United NSHIMIYIMANA Marc Govin ngo yitabe ubugenzacyaha kuri uyu wa gatanu tariki 20/Nzeri 2024 saa tatu n’igice.
Ni amakuru yamenyekanye mu gitondo cyo kuri uyu wa gatanu aho umunyamakuru Ephrem Kayiranga yashize hanze aya makuru ku rukuta rwe rwa X yahoze ari Twitter.
Muri aya makuru yagiye hanze, ntabwo hagaragara impamvu uyu mukinnyi yahamagajwe ariko amakuru avuga ko uyu mukinnyi hari umuturage bafitanye ikibazo ushobora kuba ari we wamureze kuri RIB.
Mu kiganiro Urubuga rw’imikino cyo kuri Radio Rwanda, Umuyobozi w’ikipe ya Gasogi Kakooza Nkuriza Charles uzwi ku izina rya KNC yatangaje ko ayo makuru atayazi ndetse ko abakinnyi bose bari muri Locale kandi ko bose nta numwe ufite telefoni bityo ko ayo makuru ari ibihuha.
Aya makuru kandi amenyekanye mu gihe ku munsi wejo kuwa gatandatu hateganyijwe umukino uzahuza iyi kipe ya Gasogi United ndetse n’ikipe ya Rayon Sports mu mukino utegenyijwe kuba saa moya z’umugoroba.
Myugariro wa @gasogi_united Nshimiyimana Marc Govin yahamagajwe kwitaba mu bugenzacyaha @RIB_Rw Kanombe mu kanya saa 9h30
Amakuru avuga ko Hari ibyo agomba kubazwa yarezwe n’undi muntu
Ni mu gihe habura umunsi umwe ngo ikipe ye ikine na @rayon_sports@ISHUSHOTV pic.twitter.com/f2q7oosPRJ
— Ephrem Kayiranga (@ephremkay) September 20, 2024
About The Author
