Mu mukino wa gicuti wahuje ikipe y’Igihugu Amavubi n’ikipe y’igihugu ya Guinea kuri uyu wa mbere tariki ya 3 Mutarama 2022 ikipe y’igihugu Amavubi yakoze ibintu bitari byitezwe na benshi itsinda ikipe ya Guinea ndetse inayitsinda ibitego byinshi.
Ni umukino wabereye kuri sitade Amahoro i Remera watangiye saa kumi z’umugoroba, ukaba wari ugamije gutegura ikipe ya Guinea iri mu myiteguro yo kwitabira CAN izabera mu gihugu cya Cameroun gusa ikaba yarahisemo kunyura mu Rwanda ngo ikine umukino wa gicuti kuko hari ikirere gisa naho itsinda iyi kipe iherereyemo muri CAN.
Ni umukino wari wahiriye Abakinnyi b’Amavubi kuko batsinze ikipe ya Guinea ibitego bitatu ku busa (3-0) Igitego cya mbere cyatsinzwe na Muhadjili Hakizimana ku munota wa 22 ku ikosa rya myugariro wa Guinea yakoze, icya kabiri gitsindwa na Danny Usengimana ku munota wa 47. Umukinnyi w’ikipe ya Espoir FC unahamagawe bwa mbere yinjiye mu kibuga asimbura maze nawe aterekamo igitego cy’agashinguracumu biba bibaye 3-0.
Aya makipe yombi afitanye undi mukino ku wa kane tariki ya 6 Mutarama maze Guinea ihite yerekeza guhangana mu mikino y’igikombe cy’Afurika muri Cameroun.
About The Author
