Kizigenza w’ikipe y’igihugu y’Ubwongereza, Jude Bellingham, ashobora guhabwa igihano cyo gusiba umukino ikipe ye izakina n’Ubusuwisi muri 1/4 cy’irangiza mu gikombe cya Euro 2024 kubera ikimenyetso kitemewe yagaragaye akora nyuma yo gutsinda Slovakia.
Abayobozi ba Euro batangiye gukora iperereza kuri uyu mukinnyi kubera ikimenyetso cyo gushyira ikibanza munsi y’imyanya y’ibanga ye aho bikekwa ko yatukaga abakinnyi ba Slovakia nyuma yo kubatsinda ibitego 2-1.
Bellingham yafashwe amashusho ari gukora kiriya kimenyetso bituma abashinzwe umupira bamwibazaho ndetse hari kurebwa niba atari imyitwarire mibi.
Nyuma yo gushinjwa gusuzugura abo bahanganye, Bellingham yakoresheje imbuga nkoranyambaga ze agira ati: “Ni urwenya nateraga n’inshuti zanjye zari zaje kureba umukino. Nta kindi nakora uretse kubaha uko ikipe ya Slovakia yakinnye nijoro”
Icyakora uyu mukinnyi ngo ashobora guhagarikwa umukino mbere y’uko akanama kabishinzwe gatangaza ibindi bihano birenzeho.
Abakinnyi bashinjwe icyaha nkiki mbere ntabwo bigeze bahanwa.
Bellingham yatsinze igitego cy’ingenzi ku munota wa 95 kigarura Ubwongereza mu mukino cyane ko Slovakia yari yiteguye kubasezerera kuko byageze aho ifite igitego 1-0.
Ibi byatumye amakipe yombi arangiza iminota 90 anganya igitego 1-1 hitabazwa iminota 30 y’inyongera, Harry Kane atsindira Ubwongereza icya kabiri cyabahesheje intsinzi.
About The Author
