Minisiteri ya Siporo yemeje ko Perezida wa Repubulika y’u Rwanda, Paul Kagame azitabira umukino wo gufungura Stade Amahoro kumugaragaro uzahuza APR FC na Police FC.
Uyu mukino uzaba ku wa Mbere tariki ya 1 Nyakanga 2024 ukaba uzaba ari umunsi w’Ubwigenge aho APR FC izacakirana na Police FC saa 17h00’ mu mukino ufungura Stade Amahoro, ni nyuma y’imyaka irenga ibiri ivugururwa ikava ku bihumbi 23 yakiraga ubu ikaba yakira ibihumbi 45.7.
Minisiteri ya Siporo ku bufatanye n’Ishyirahamwe ry’Umupira w’Amaguru (FERWAFA), basohoye itangazo rivuga ko Perezida Paul Kagame azitabira umuhango wo gufungura Stade Amahoro kumugaragaro uzaba tariki ya 1 Nyakanga 2024.
Uyu muhango hakaba hazaba umukino uzahuza APR FC na Police FC zizahatanira igikombe cyiswe “Stade Amahoro Anauguration Trophy.”
Uyu uzaba ari umukino wa kabiri ubereye kuri iyi Stade nyuma yo kuvugururwa kuko uwa mbere wo kugerageza wabaye tariki ya 15 Kamena 2024 wahuje APR FC na Rayon Sports banganya ubusa ku busa.
About The Author
