Phil Foden ukinira Manchester City yatowe nk’umukinnyi w’umwaka w’imikino wa 2023/24 muri Premier League.
Mu ntangiriro z’uku kwezi, Foden yari yatowe n’Ishyirahamwe ry’Abanyamakuru bandika Ruhago mu Bwongereza nk’umukinnyi w’umwaka.
Kugeza ubu, uyu Mwongereza w’imyaka 23, yatsinze ibitego 17 anatanga imipira umunani yavuyemo ibitego kuri bagenzi be.
Nyuma yo gutangazwa nk’uwatsindiye iki gihembo, Foden yagize ati “Kwegukana iki gihembo ni umusaruro ukomeye unteye ishema.”
Yakomeje agira ati “Premier League izwi nka shampiyona ikomeye ku Isi, rero birashimishije kuva mu bandi bakomeye bagize ibihe byiza mu makipe yabo.”
Erling Haaland [winjije 27] ni we mukinnyi watsinze ibitego byinshi kurusha Foden muri Manchester City izatwara Premier League ku nshuro ya kane yikurikiranya mu gihe yatsinda West Ham United ku Cyumweru.
About The Author
