Umusore wo mu Murenge wa Rubona mu Karere ka Rwamagana arakekwaho kwica nyina amutemye.
Mu gitondo cyo kuri uyu wa Kabiri tariki 5 Werurwe 2024, nibwo bivugwa ko uyu musore yishe nyina amutemye.
Amakuru aturuka mu baturage bo muri aka gace, yavuze ko uyu musore yari amaze iminsi myinshi yivuza uburwayi bwo mu mutwe ariko akaba yari yarorohewe.
Umunyamabanga Nshingwabikorwa w’Umurenge wa Rubona, Mukashyaka Chantal, yemeje iby’aya makuru anashimangira ko abaturage n’inzego z’umutekano bihutiye gutabara
Yagize ati “Abaturage bahise bafata uwo musore kugeza ubu ari kuri Sitasiyo ya Polisi ya Rubona.”
Yongeyeho ko nta makimbirane azwi mu baturage uwo musore yari asanzwe afitanye n’umubyeyi we.
Meya w’Akarere ka Rwamagana Mbonyumuvunyi Radjab yavuze ko uyu musore yahise afatwa , akaba afungiye kuri sitasiyo ya Polisi ya Rubona.
About The Author
