Ikipe ya Rayon Sport ntabwo ikomeje guhirwa n’imikino ya shampiyona kuko imaze gutsindwa na mucyeba wayo benshi bita ko ari uw’ibihe byose Kiyovu Sports kuri sitade ya Kigali i Nyamirambo.
Ni umukino wabonetsemo ibitego bibiri byabonetse ku ruhande rwa Kiyovu Sport aho icya mbere cyatsinzwe na Ishimwe Kevin wa Kiyovu Sport mu gice cya mbere naho icya Kabiri gitsindwa na Emmanuel Okwi mu gice cya kabiri ari nako umukino waje kurangira ari ibitego bibiri bya Kiyovu Sport ku busa bwa Rayon Sports.
Ikipe ya Rayon Sport imaze gutakaza imikino itatu y’ikurikiranya nyuma yo kunganaya n’ikipe ya Etoile de l’Est, ikongera ikanganyiriza i Rusizi n’ikipe ya Espoir FC inayirusha cyane kuri ubu ikaba itakaje amanota yose itsinzwe na mucyeba wayo Kiyovu Sport dore ko hashize igihe kinini Rayon Sport idatsinda ikipe ya Kiyovu Sport.
Kuri ubu ikipe ya Rayon Sport ifite amanota 11 mu gihe amakipe bihanganye yose ari imbere yayo, Umutoza Masudi Djuma aherutser kwibasirwa n’abafana b’iyi kipe mu karere ka Rusizi aho byavuzwe ko bamutoboreye amapine y’imodoka ye kubera ikipe ya Espoir yari imaze kumutsinda ubwo igice cya mbere cyari kirangiye gusa uyu mutoza aya makuru yaje kuyahakana avuga ko nta watoboye imodoka ye ko ari impanuka mu zindi.
About The Author
