Mu mikino ya shampiyona y’u Rwanda ku munsi wayo wa kane ikipe ya Rayon Sport yari yagiye mu karere ka Rusizi guhura n’ikipe ya Espoir FC yo muri aka karere aho aya makipe yombi yanganije ibitego 2-2 umwataka wa Espoir FC aca inshundura z’izamu.
Ni umukino wari ukomeye ku mpande zombi kuko buri kipe yageragezaga gusatira umunota ku wundi izamu ku izamu aho ku munota wa 23 w’igice cya mbere ikipe ya Rayon Sport yari yabonye igitego cyayo cya mbere.
Nyuma yo gutsindwa igitego cya mbere ikipe ya Espoir yakomeje gusatira izamu ari nako irema uburyo bwinshi bw’igitego byanatumye ku munota wa 29 w’igice cya mbere Umukinnyi witwa Muhozi wazamukiye mu ikipe ya AS Kigali yanyeganyeje ndetse akanaca incundura z’izamu rya Rayon Sport ku gitego cyiza yatsinze biba bibaye 1-1 ku mpande zombi ari nako igice cya mbere cyarangiye.
Mu gice cya kabiri ibintu nabwo byakomeje gushyuha ari nako amakipe yombi akomeza gusatirana no gusimbuza abakinnyi bamwe na bamwe gusa ikipe ya Espoir FC yaje kubona igitego cya kabiri gitsinzwe n’umukinnyi Muhozi wanatsinze icya mbere nyuma yo kumara gucenga ba myugariro b’ikipe ya Rayon Sport.
Ntibyatinze ikipe ya Rayon Sport nayo yaje gutsinda igitego cya kabiri yishuye nyuma y’umupira wari utewe uturutse muri koroneri maze abakinnyi bagwana n’umupira mu izamu.
Ibintu byaje gushimisha abafana b’ikipe ya Rayon Sport ari nako iyi kipe ikomeza gusatira ishaka igitego cy’insinzi ariko biranga biba iby’ubusa gusa nano mu minota ya Nyuma ikipe ya Espoir yakorewe ikosa ryaje kuvamo penalite yatewe n’uwahoze mu ikipe ya Rayon sport ariko iza gukurwamo n’umuzamu wa Rayon Sport ari nako umukino waje kurangira amakipe yose agabanye amanota ku bitego 2-2.
About The Author
