Umukobwa w’imyaka 23 akurikiranwe n’Ubushinjacyaha ku rwego rwisumbuye rwa Huye gusambanya umwana w’umuhungu w’imyaka 9 y’amavuko yareraga.
Ku itariki ya 29/09/2023 nyuma ya saa sita, mu Mudugudu wa Taba, Akagari ka Butare, Umurenge wa Ngoma, mu Karere ka Huye, mu cyumba umwana yararagamo, nibwo ukekwa ngo yaba yarakoze icyo cyaha ubwo umwana yari avuye ku ishuri.
Ubushinjacyaha Bukuru dukesha iyi nkuru, buvuga ko uregwa yasobanuye ko ubwo yari arangije kugaburira uwo mwana yagiye kuryama, amusangayo nawe agiye kuruhuka, amuryama iruhande birangira amusambanije.
Umwana yaje kubivuga ubwo yajyaga kwihagarika akababara, kandi avuga ko atari ubwa mbere yari amusambanije. Ukekwa abisabira imbabazi.
Icyaha cyo gusambanya umwana gihanishwa igifungo cya burundu, hashingiwe ku biteganywa mu ngingo ya 4 y’itegeko Nº 69/2019 ryo ku wa 08/11/2019 rihindura Itegeko nº 68/2018 ryo ku wa 30/08/2018 riteganya ibyaha n’ibihano muri rusange.
About The Author
