Umwana yitwa Iranzi Cedric w’imfubyi ku babyeyi bombi, arerwa na mushiki we w’imyaka 18 arasaba kurenganurwa kuko yakuwe ku rutonde rw’abana bakoranyijwe kujya mu irerero rya FC Bayern Munich mu Rwanda.
Uyu mwana w’imyaka 12 yari yatoranyijwe mu bana 43 bagombaga kujya mu irerero rya FC Bayern Munich mu Rwanda.
Gusa yaje gukurwa kuri urwo rutonde ngo kubera ko afite imyirondoro 2 muri NIDA, ariko yageze yo asanga nta kibazo kirimo.
Cedric ubwo yari ari muri sitidiyo za Fine FM avuga ukuntu yirirwa asiragizwa muri NIDA yagerayo agasanga ibyangombwa bimeze neza, yajya muri FERWAFA bakanga kumwakira, kwihangana byanze maze asuka amarira.
Uyu mwana abonetse nyuma yuko nubundi mu minsi yashize i Kigali hagaragaye umwana wari kumwe n’umubyeyi we nawe avuga ko banze ko ajya mu ikipe y’abana ya Bayern ku mpamvu nawe atamenyeshejwe.
About The Author
