Nyuma yuko ikipe ya Rayon Sport inganirije mu karere ka Rusizi n’ikipea ya Espoir FC ndetse yarushaga cyane ikipe ya Rayon sport, hari amakuru yagiye akwirakwira hanze ko abafana ba Rayon sport bari muri Fan club ya Gikundiro Forrever ko batoboye amapine y’imodoka y’umutoza wa Rayon Sport Masudi Djuma.
Mu kiganiro yagiranye na Fine FM, umutoza Irambona Masudi Djuma yahakanye aya makuru avuga ko imodoka ye yatobowe amapine n’abafana ba Rayon Sport ko yatobotse ipine rimwe nkuko bisanzwe ku zindi modoka zose ko zishoboka gutoboka amapine.
Yavuze ko amapine ye yatobowe n’umusumari winjiyemo ariko ntiyabimenya gusa nyuma ubwo umukino wari watangiye ngo nibwo umushoferi wa Rayon yamubwiye ko imodoka ye yagize ikibazo cyo gutoboka ipine maze na we amusaba kujya kurimuhomera.
Yagize ati: Ibintu byo gutuma abafana ba Rayon sport bacanamo ntabwo ari meza, imodoka yanjye ifite amapine amwe atagira shamburayeri, ayo mapine rero iyo umusumari winjiyemo ntabwo umwuka uhita uvamo ako kanya, ushobora kugenda utazi ko wakandagiye umusumari, ubwo rero iyo uparitse ugenda uvamo buhoro buhoro ukagera aho ushiramo rero washizemo muri mi-temps tumaze gutsindwa 2-1
Umushoferi wa bus ya Rayon sport niwe waje kumbwira ko ipine ryatobotse ndamubwira sinshaka gushiraho ipine rya reserve kuko riba ari rito ko mu makoni yo mu mihanda ya rusizi bitakunda ndamubwira ngo akuremo iryo pine arihome arisubizemo ngendere ku mapine asanzwe, barikuramo barijyana kuri sitasiyo bararihoma barisubiza mu modoka, nibyo byabaye nta muntu wigeze aritobora”
Avuga ku magambo abafana bavugaga muri uwo mukino, yavuze ko umuntu wese umuvugaho amagambo aba ari kumuha imbaraga ko atayitayeho ko azakomeza gukora akazi ashinzwe neza. Ynahakanye kandi amakuru avugwa ko ari amapine abiri yatobowe ahamya ko ari rimwe.
Ati: ”Ntabwo ari amapine abiri papa ni ipine rimwe”
Ese Masudi Djuma ni ukwanga gukurura umwuka mubi mu bafana ba Rayon Sport?
Gikundiro Forrever ishinjwa kuba ariyo yacuze umugambi wo gutobora amapine y’imodoka ya Masudi, biravugwa koyaba itangiye kwibasirwa n’andi ma Fan club y’iyi kipe.
Masudi ashobora kuba ibyo avuga aribyo koko ko ipine ryatobotse bisanzwe kuko gukora urugendo uva Kigali werekeza i Rusizi ntabwo byoroshye bishobora guteza imodoka ibibazo ariko nanone wakibaza uko byabaye uruhurirane kuko bivugwa ko uwo mupangu wo gutobora ipine wabaye muri mi-temps(Igice cya mbere kirangiye) kuko rayon yari imaze gutsinwa ibitego 2-1.
Nubwo masudi avuga ko ari impanuka ariko hari amakuru avuga ko ari abafana babipanze bakabikora ukibaza uko byahuriranye nabyo bikakuyobera dore ko hari abafana banugwanugwa ko ari bo bakoze urwo rugomo kuko aho bari bari bari bafite umujinya mwinshi batuka umutoza Masudi ku buryo byageze aho umutoza w’ungirije Romami ajya kubasaba imbabazi ngo bareke gukomeza gutuka umutoza.
Si ubwa mbere havugwa urugomo rw’abafana ba Rayon sport rukorerwa umutoza cyangwa umukinnyi kuko no mu minsi yashize hari amakuru yavugaga ko Bashunga Abuba nawe bamuteye amabuye iwe mu rugo ubwo yari ari kumwe n’umuryango we.
Rayon sport ifite amanota 11 muri shampiyona y’u Rwanda ikaba iri ku mwanya wa kane iherutse kunganya ibitego 2-2 n’ikipe ya Espoir yanayihushije penalite. Kuri ubu Rayon Sport iri kwitegura mucyeba wayo bazahura muri iyi weekend Kiyovu Sport.
About The Author
