Umunyamabanga Nshingwabikorwa w’Umurenge wa Rambura mu karere ka Nyabihu, ku wa Kane tariki ya 12 Ukwakira yatawe muri yombi na RIB akekwaho kunyereza amafaranga yo gusana inzu z’abaturage basenyewe n’ibiza.
Uru rwego rw’ubugenzacyaha ruvuga ko Frw miliyoni 6.9 ari yo Gitifu Kabarisa Salomon akekwaho kunyereza.
Umuvugizi w’Urwego rw’Ubugenzacyaha, RIB, Dr Murangira B. Thierry, yatangaje ko Gitifu watawe muri yombi afungiye kuri Sitasiyo ya Mukamira, mu gihe dosiye ye iri gutunganywa ngo ishyikirizwe Ubushinjacyaha.
Mu gihe uyu muyobozi yaba ahamwe n’icyaha cyo kunyereza umutungo wa rubanda akekwaho, yahanishwa igihano cy’igifungo kitari munsi y’imyaka irindwi ariko kitarenze imyaka 10 na Frw yikubye inshuro kuva kuri eshatu kugeza kuri eshanu z’agaciro k’umutungo yanyereje.
About The Author
