Kabega Harindintwali Ignace uri imbere muri batatu bashinjwa kwiba toni 10 za sima mu ruganda rw’Abashinjwa rwa Anjia ruherutse gufungurwa mu Rwanda, yemeye ko yabikoze, asobanura yabitewe n’inzara.
Nk’uko Imvaho Nshya yabitangaje, Kabega na bagenzi be (Habagusenga Uzzia na Kabanza Richard) bagejejwe mu rukiko rw’ibanze rwa Nyamabuye ruherereye mu karere ka Muhanga kuri uyu wa 26 Nzeri 2023, bashinjwa iki cyaha cyakozwe muri Kanama.
Kabega yasobanuye ko inzara afite yayitwe no kuba yaribwe, arakena. Ati: “Njyewe nahoze nikorera baranyiba ndakena; ibyo nakoze byose nabikoreshejwe n’inzara, ubusanzwe ngira Kompanyi y’ikoranabuhanga yitwa IT Coordinator Terra Phram, nkaba ndi Umuyobozi Mukuru.”
Asobanura uko yakoze icyaha, yagize ati: “Nasabye amakuru ku ruganda, mvugana n’Umushinwa ampa uwitwa Leonce ukora mu ruganda (Sales Manager) dukora ibyo byose ndetse tariki ya 23 Kanama 2023 namenyeshejwe ko tariki ya 24 Kanama 2023 barazizana, Uzzia Habagusenga anshakira umuguzi wo kuzigura baranavugana ziranatwarwa.”
Uru ruganda rwafunguwe ku mugaragaro tariki ya 3 Kanama 2023.
About The Author
