Urwego rw’Igihugu rw’Ubugenzacyaha (RIB) rwataye muri yombi Ishimwe Claude Karangwa wamenyekanye ku rubuga rwa X yahoze yitwa Twitter.
Amakuru avuga ko uyu musore yatawe muri yombi ku wa Mbere tariki ya 18 Nzeri, akaba akurikiranweho ibyaha birimo icyo gukubita no gukomeretsa ndetse n’icyo gukoresha ibikangisho.
Ikinyamakuru IGIHE cyatangaje ko ibyaha uyu musore akekwaho gukora byakorewe ahazwi nko ku Bisima, mu kagari ka Kiyovu ho mu murenge wa Nyarugenge w’akarere ka Nyarugenge.
Bivugwa ko Mwene Karangwa yasanze abasore babiri mu kabari gaherere ku Bisima arabakubita, ndetse bivugwa ko yari amaze igihe akangisha umwe mu bo yakubise ko azamwica.
Kugeza Claude kuri ubu Ishimwe afungiye kuri sitasiyo ya RIB ya Nyarugenge, mu gihe dosiye ye ikiri gukorwa ngo ishyikirizwe Ubushinjacyaha.
About The Author
