Umutoza w’Umunye-Congo Andy Mfutila watoje APR FC na Rayon Sports yitabye Imana ku myaka 62.
Uyu mugabo yaguye mu bitaro bya Kaminuza ya Kinshasa kuri uyu wa Gatanu, tariki 21 Nyakanga 2023, azize uburwayi yari amaranye iminsi cyane ko yari mu bitaro kuva ku Cyumweru gishize tariki 16 Nyakanga 2023.
Andy Mfutila azwi cyane mu Rwanda, aho yatoje APR FC mu mwaka wa 2007/8 bagatwarana ibikombe bitatu birimo icya Shampiyona, icy’Amahoro ndetse na CECAFA Kagame Cup.
Uyu mutoza kandi yanatoje Rayon Sports mu 2014. Kuva muri Gicurasi, Mfutila yari mu ikipe y’Abatoza ba TP Mazembe yanabayemo mu 2009 bagatwarana CAF Champions League.
Si ayo makipe gusa Mfutila yatoje kuko yananyuze muri AS Vital Club, Saint-Éloi Lupopo, Don Bosco n’Ikipe y’Igihugu ya Repubulika Iharanira Demokarasi ya Congo.
About The Author
