Mu mukino wahuje amakipe abiri yo mu Rwanda Rayon Sport na APR FC ku munsi wa kane wa shampiyona y’u Rwanda icyiciro cya mbere akaba ari umukino APR FC yatsinzemo mucyeba wayo ibitego 2-1.
Nkuko bisanzwe mu mikino y’icyiciro cya mbere mu Rwanda ndetse n’ahandi hose hahurira abantu benshi ko buri wese aba agomba kwerekana icyangombwa cy’uko yapimwe icyorezo cya COVID-19 kitarengeje amasaha 72 kikaba kigaragaza ko atanduye icyo cyorezo.
Polisi y’igihugu binyuze ku muvugizi wayo CP Johhn Bosco Kabera yatangarije Radio Rwanda ko ku munsi wejo abafana bari bashaka kwinjira binyuranye n’amategeko berekana ubutumwa bwerekana ko bapimwe COVI-19 ko ari bazima kandi atari byo ko batawe muri yombi bakaba bagiye gukurikiranwa n’inzego z’ubutabera.
CP Kabera yavuze ko abatawe muri yombi bakoze icyaha gikomeye ko kandi bazabihanirwa n’undi wese uteganya kubikora akabireka. Yavuze ko aba bafana bakoze icyaha cy’inyandiko mpimbano ndetse ko bazabihanirwa n’amategeko.
Yasoje asaba abantu bose by’umwihariko abasabwa kwerekana ko bakingiwe cyangwa bapimwe ko bajya berekana ibyangombwa bya nyabyo byemewe.
About The Author
